(ona): začahurila
san se ispo kamika. našla su me dica kua su iskala škuoljke
(ona): ka san
uspila ispraviti kičmu njega više ni bilo. a zaburavila san kako se je zvua i
nisan znala di da ga išćin. na plaži nikoga. nebo previsoko, muore predumboko,
brda predaleko. samo galebi
(ona): a unda su
me noge suame ponile od jednoga kantuna pa do drugoga pa do
(ona): iza
tretoga kantuna stan pa auto pa kredit pa
(un): kolut,
vodene kozice, bicikla
(ona): propadalo
se godinami
(un): ŽENA. DICA.
POSO.
(ona): a živuot
traje samo koliko tren traje broji se po koliko si put stvarno moga
(ona): udahnuti
zruak da ti se pootvaraju pluća ko cviće u pramaliće
(un): a ka sa je
pito
(un): a ka sa je
pito oće li s manun pojti unda je mučala
(un): ni mi dola
da pojden a ni me zvola da se vrnen. i ča san jo mogo
(ona): i ča je un
moga nego
Primjedbe
Objavi komentar